BANDO: SECA PROLONGADA
A escaseza de choivas nos últimos meses provocou que a reserva de auga sexa cada vez menor.
Dende a Confederación Hidrográfica do Miño-Sil, pídesenos que tomemos medidas:
- Aforro no uso da auga en destinos non prioritarios, como por exemplo rega, baldeo de rúas, lavado de vehículos, zonas verdes, prudencia a hora de encher as cisternas para uso animal, piscinas, ...
- Reduce o uso de lavalouzas e lavadora: utilízao só cando estean cheos.
- Emprega ducha no canto de bañeira e reduce o tempo.
- Revisa posibles fugas na instalación.
- Coloca atomizadores ou redutores nas billas.
- Pecha a chave mentres te lavas os dentes e usa un vaso para enxaugar.
- Para limpar emprega cubos de auga no canto de mangueiras.
- Rógase ás explotacións gandeiras e industrias o uso da auga estritamente necesario.
- Auga que non uses, non a deixes correr.
Pídese a colaboración da poboación para o logro dun aforro no consumo de auga que redundará no beneficio de todos.
