Obxectivos específicos para unha correcta xestión do ENIL LOIO-RUXIDOIRA

OBXECTIVO 1: Identificación dos elementos de especial interese de conservación (flora, fauna e hábitats).

Para poder acadar este obxectivo, dende o Concello de Paradela marcamos as seguintes actividades a realizar dentro no plan de xestión do ENIL Loio Ruxidoira;

• Identificación e estudo das especies vexetais presentes no ENIL.

• Identificación e estudo das especies animais presentes no ENIL.

• Identificación e estudo dos hábitats presentes no ENIL.

• Clasificación de cada un dos elementos anteriores en función da súa maior ou menor necesidades de protección.

• Difusión dos coñecementos científicos adquiridos nas identificacións.

OBXECTIVO 2: Definición das medidas específicas de conservación e protección da fauna, da flora e dos hábitats presentes no ENIL.

Para poder acadar este obxectivo, dende o Concello de Paradela marcamos as seguintes actividades a realizar dentro no plan de xestión do ENIL Loio Ruxidoira;

• Determinación da calidade das augas dos cursos de auga presentes no ENIL, con especial énfase nas do río Loio.

• Execución de tarefas de conservación dos refuxios da fauna identificada como prioritaria.

• Eliminación de especies invasoras.

• Catalogación de árbores senlleiras.

• Mellora das condicións de contorna para favorecer a reprodución das especies obxecto de maior protección.

• Plantación de frondosas autóctonas.

• Inscrición no Rexistro de Masas Consolidadas de Frondosas Autóctonas das frondosas actualmente presentes no ENIL e que cumpran cos requisitos para seren rexistradas.

• Seguimento dos indicadores de calidade da auga do río Loio.

• Eliminación de elementos construtivos que afecten á paisaxe.

• Definición do calendario de actuación sobre a fauna, flora e hábitats prioritarios para a protección.

• Conservación da liña de continuidade do bosque de ribeira.

• Recuperación de prados como axuda aos polinizadores.

• Redución de usos de fitosanitarios (especialmente os neonicotinoides)

OBXECTIVO 3: Definición do modelo de xestión para a correcta posta en marcha das diferentes medidas

Para poder acadar este obxectivo, dende o Concello de Paradela marcamos as seguintes actividades a realizar dentro no plan de xestión do ENIL Loio Ruxidoira;

• Determinación dos axentes aos que é necesario implicar para desenvolver as actividades previstas.

• Determinar a organización temporal das actuacións que se desenvolverán

OBXECTIVO 4: Recuperación dos usos tradicionais 

Para poder acadar este obxectivo, dende o Concello de Paradela marcamos as seguintes actividades a realizar dentro no plan de xestión do ENIL Loio Ruxidoira;

• Delimitación das áreas do ENIL nas que se van recuperar os soutos para aproveitamento da castaña.

• Delimitación das áreas do ENIL que antigamente eran empregadas para a plantación de viñedo e que queren ser recuperadas.

• Recuperación de antigas alvarizas para un aproveitamento apícola.

• Execución das tarefas de adecuación necesarias, principalmente, rozas a podas.

• Difusión da posta novamente en produción dos terreos recuperados.

• Formación das persoas interesadas en poñer novamente en produción os terreos recuperados co fin de garantir que se empreguen prácticas culturais respectuosas co medio.

• Fomento do asociacionismo.

OBXECTIVO 5: promoción da educación ambiental para poñer en valor os valores existentes e fomentar o correcto uso do espazo por parte da poboación

Para poder acadar este obxectivo, dende o Concello de Paradela marcamos as seguintes actividades a realizar dentro no plan de xestión do ENIL Loio Ruxidoira

• Publicación de información e material divulgativo sobre o espazo.

• Mellora dos elementos de sinalización e delimitación da ruta de sendeirismo PR G Río Loio.

• Identificación e eliminación das infraestruturas, equipamentos e prácticas que causen un impacto sobre a paisaxe