XORNADA: “CLAVES PARA A MELLORA DO FINANCIAMENTO LOCAL NOS MUNICIPIOS CON INSTALACIÓNS ENERXÉTICAS”

O Alcalde de Paradela, José Manuel Mato Díaz, asistirá en calidade de representante provincial e como membro do Consello Permanente da Federación Nacional de Asociacións e Municipios con Centrais Hidroeléctricas e Embalses (Femembalses),á Xornada: “Claves para a mellora do financiamento local nos municipios con instalacións enerxéticas”.

Esta xornada, que se celebrará en Madrid o día 12 de decembro, está organizada pola Federación Nacional de Asociacións e Municipios con Centrais Hidroeléctricas e Embalses (Femembalses) que representa a máis de 1.000 municipios en toda España e ten por obxecto analizar as posibilidades que existen para implantar fórmulas de obtención de novos recursos financeiros nun contexto difícil e de crise económica como o actual. Os participantes analizarán como hai que enfocar a eficiencia enerxética, o aproveitamento dos impostos locais nas súas máis variadas vertentes e que recursos financeiros son os máis inmediatos para mellorar o financiamento local.